網紅的藏寶箱【2021香港旅遊展日本館參觀後記】
今日過咗去灣仔會展睇旅遊展，雖然疫情下實在冇以前嘅墟冚，不過都有唔少攤位填問卷、讚好Facebook同Instagram就可以得到精美禮品，都好好玩㗎。
長崎縣有好大個蜜瓜車站，如果覺得唔夠喉嘅話，將軍澳中心而家仲有個更加靚嘅版本，掛住長崎嘅朋友一定唔可以錯過。
JapanWalker今次主力推埼玉縣，如果你有睇過《飛翔吧！埼玉》更加要去了解有咩好玩喇。完成讚好或者填問卷等等仲可以抽獎，姆明家族同蠟筆小新嘅精品垂手可得，不過最實用嘅一定係USB充電線呀。
另一個打卡點就係山陰山陽鳥居Counter，大家都知道分別有岡山縣、鳥取縣、島根縣、山口縣同廣島縣。
相信好多人都用過嘅九州JR Pass送嘅File係大家熟悉嘅觀光列車，我覺得係全場File裏面最靚嘅。其次就係兵庫縣嘅姬路城File，後面仲有同姫路城有關嘅武將嘅家紋圖案。
7月30日（即係聽日）嘅下午就會開放比公眾參觀，各位記住入場支持下你哋鍾意嘅縣喇。
Search